"شارع شيكاغو" يحقق حلم قديم لـ سلاف فواخرجي

الاصلاحية | فن

عبرت الفنانة السورية سلاف فواخرجي عن مشاعرها لحظة انطلاق تصوير عمل شارع شيكاغو (اخراج محمد عبد العزيز) ومدى فخرها وسعادتها بالوقوف أمام الفنان دريد لحام في مشاهد التصوير الأولى للعمل.

وقالت في تدوينة لها عبر حسابها الشخصي في فيسبوك: “البداية دايما بتكون صعبة،
وانا مع كل بداية بخاف، ومع كل بداية تصوير بحس اني لأول مرة بحياتي عم وقف قدام الكاميرا، بخاف وبرتعب ، ومابنام قبلها بيوم، لدرجة اني يمكن امرض احيانا، بس بعد شوي بتتلاشى كل المشاعر الاولى الصعبة ، وبغرق بالعشق، وبصير انا والكاميرا واحد مامعنا شريك تالت، مامنشوف الا بعض ، بنفهم ع بعض ، بنحس ببعض ، بنغازل بعض،
واوقات ممكن نزعل من بعض، ومنعيش انا والكاميرا، حالة متعة، دوران، ودوائر دوائر مالها حدود.

وتابعت بطلة شارع شيكاغو الذي تنتجه شركة قبنض: “ومع كل بداية تصوير كمان ، بحس انو يمكن تكون هي اخر مرة بوقف قدام الكاميرا، ماحدا بيعرف، لهيك لازم اعطيها روحي، قبل ماروح، البداية بتحمل نشوة والنهاية مسؤولية لازم كون قدها.

وعن وقوفها أمام الفنان دريد درغام مع بداية تصوير المشاهد الأولى للعمل قالت سلاف: مبارح، كانت بداية جديدة لعمل جديد “شارع شيكاغو” والاحاسيس اللي حكيت عنها هي هي مابتتغير من لما ابتديت ولحد هاللحظة، وبدعي ربنا انها ماتتغير، لأنها بالأخير أنا،
بس بدايتي مبارح كانت بحلم انتظرته كتير، اني وقف امام عملاق من عمالقة الفن السوري والعربي، “دريد لحام” الممثل اللي بتفتخر سوريا انه منها، ونحنا كلنا منفتخر فيه، احباب واصحاب والتقينا كتير وتعلمت منه كتير ورحنا واجينا وسافرنا سوا وعملنا نشاطات سوا وتفاصيل اجتمعنا فيها سوا، بس كنت ناطرة انو تجمعني معه بيوم الكاميرا، اتأخرت بس وأخيرا صارت، وكان بدايتي بعملي الجديد بحلم قديم وتحقق.