شن الفنان السوري ياسر العظمة هجوماً على صناع الدراما السورية والعربية، وكان النصيب الأكبر من نصيب عمل باب الحارة.
وظهر العظمة في فيديو جديد ضمن سلسة حلقات مصورة ينشرها على حساباته في مواقع التواصل الاجتماعي.
وحمل الفيديو الاخير عنوان (دراما يا دموع العين دراما)
وهذه كانت ابرز النقاط التي وردت على لسان العظمة:
▪️الدراما عنا مريضة، تحتضر، مقطوع منها الأمل، بحالة غيبوبة وماعادت قادرة تتجاوب مع المحيط.
▪️ماعم لاقي مسلسل افتخر فيه، ماعم اقدر تابع اكثر من حلقة أو تنتين.
▪️باب الحارة:
- باب الحارة تاريخ مزور وافتراء سافر، وقصص بتلعي النفس، مو هيك الشام أبداً.
- حطوا دمشق ببالهن ونزلوا فيها بهدلة وشرشحة وقلة واجب.
- في تناحة وجأرة وشكلو لح يستمر باب الحارة بأجزاءه ليوم القيامة شاء من شاء وأبى من أبى.
- جولقة وبوجقة ومط بالحكي، بعمري ما سمعت أهلي وجيراني عم يحكوا بهل طريقة.
- منين جايبين كلمة “ابن عمي”؟ بعمري ما سمعت امي قالتها لأبي.
- باب الحارة قصة تسيء للتاريخ السوري وتشويه للحقائق.
▪️صرخة روح:
- هتك جدار الحشمة، اللبس الفاضح، القبل والإيحاءات والتصوير على أسرة غرفة النوم، علاقات المحارم، صار اسمهن جرأة.
- جرأة مسلسلاتنا فاقت هوليوود، جرأتنا مشرشرحة وبتدل على قلة ذوق.
- مسلسل الخيانات المليء بالقرف، قصص أفلام أجنبية بيعملوها مسلسل على اساس من واقعنا.
▪️في مسلسل نعرض مؤخراً، اعتبروا جريئ بس جرئته مبينة على تشويه نقاء وطهر الشام يلي كانوا يقولوها بنفس زمن المسلسل “شام شريف”، الشام أرض الطهر، عملوها فجر وعهر.
▪️ ماعاد حدا استحى، الرخيص بدور على رخص، بروحوا على المجاري وبيعرضوها للناس.
▪️جوقة عزيزة:
- في مسلسل بطلته مغنية وراقصة ومعها طبال، مسلسل ضعيف يميل للتفاهة، مو من بيئتنا وما شفنا هيك شي بحياتنا، رقاصة وطبال ومسؤولين بحبوا الرقاصة، مواضيع ما بتشبهنا ومسروقة من الفن المصري من زمان، شو هل جفاف هاد وين الخلق والإبداع.
▪️العنوانين الأجنبية مضحكة (داون تاون، ديفا اوركيديا غاردينيا تشيلو واي فاي، ستيليتو) هي عنواين مطاعم مو مسلسلات، ليش خجلانين بالأسم العربي، لح نصير أكابر ازا حطينا الأسم بالأجنبي، ولا الأجانب هنن يلي عم يتابعوا مسلسلاتنا؟
▪️الهيبة:
- مسلسلات العنف والمخدرات والمافيات عم يتصدرها مسلسل عملوا منه كذا جزء، مسلسل محرض على العنف، بجيبوا ممثل حليوة وسيم لأنو الصبايا لح تحبو، زورته حلوة بتفلج، والنتيجة عمل افسادي مغرض، اهدافه غير نبيلة وكله مخد.را.ت وع.نف وحيونة.
▪️بمسلسل مرايا ماكنت أسمح لحدا يدخن بالمشهد، ولا أسمح باللبس الفاضح أو الجريئ، ومافي ضرورة درامية لذلك.
▪️المنتجون هنن السبب الرئيسي بتدهور الدراما ومرضها.
Post Views:
0
